ચટાકેદાર 'કઢાઈ ભીંડી'

ચટાકેદાર 'કઢાઈ ભીંડી'



સામગ્રી:

250 ગ્રામ ભીંડા
1 ટેબલસ્પૂન ચણાનો લોટ
1 ડુંગળી,
2-3 લીલા મરચાં ઝીણા સમારેલા
1/2 ટીસ્પૂન આમચુર પાવડર
1/2 ટીસ્પૂન ધાણાનો પાવડર
1/2 ટીસ્પૂન લાલ મરચાનો પાવડર
1/2 ટીસ્પૂન ગરમ મસાલો
1 ટીસ્પૂન જીરુ
1/4 ટીસ્પૂન હળદર પાવડર,
વેજીટેબલ ઓઈલ જરૂર પ્રમાણે
મીઠું સ્વાદ અનુસાર

રીત:

- ભીંડાને ઊભા લાંબા સમારી લો.

- એક કઢાઈમાં તેલ ગરમ કરો. તેમાં ભીંડાને ક્રિસ્પી અને ગોલ્ડન બ્રાઉન થાય તેટલા તળી લો.

- તળેલા ભીંડાને બાજુમાં રાખી દો. કઢાઈમાં બે ટેબલસ્પૂન જેટલુ તેલ રહેવા દો અને બાકીનુ તેલ બીજા વાસણમાં કાઢી લો.

- તેમાં જીરુ અને લીલા મરચાના ટુકડા ઉમેરીને 30 સેકન્ડ સુધી ફ્રાય કરો. તેમાં ડુંગળી ઉમેરીને ગોલ્ડન બ્રાઉન થાય ત્યા સુધી ફ્રાય કરો.

- તેમાં ચણાનો લોટ અને આમચુર પાવડર ઉમેરીને 3-1 મિનીટ સુધી સાંતળો.

- બાકીની સામગ્રી અને તળેલા ભીંડા ઉમેરો. બરાબર મિક્સ કરો. થોડી સેકન્ડ સુધી પકાવો અને પછી ગેસ પરથી ઉતારી લો.

ચટપટા 'બેંગાલી આલુ પોસ્તો'

2 વ્યક્તિઓ માટે બનાવો બેંગાલી આલુ પોસ્તો

સામગ્રી:

3 બટાટા (છાલ ઉતારીને સમારેલા)
1 ટેબલસ્પૂન ખસખસના દાણા (શેકેલા)
2 સૂકા લાલ મરચા
2 લીલા મરચા
1/4 ટી સ્પૂન હળદર
1 1/2 ટેબલસ્પૂન તેલ
1 1/2 કપ પાણી
મીઠું સ્વાદ અનુસાર
કોથમિર, ગાર્નિશ કરવા માટે

રીત:

- પાણી, ખસખસના દાણા અને લીલા મરચાને સાથે ગ્રાઈન્ડ કરીને પેસ્ટ બનાવીને બાજુ પર મૂકી દો.
- અડધા ભાગના તેલને એક પેનમાં ગરમ કરો. સમારેલા બટાટાને મધ્યમ આંચ પર તેલમાં તળો. હવે તેને પેપર પર નિતારી લો.
- હવે બાકીના તેલને તે જ પેનમાં ગરમ કરો. સૂકા લાલ મરચા અને હળદરને મિક્સ કરો.
-હવે તેમાં ખસખસની તૈયાર કરેલી પેસ્ટ ઉમેરો અને મધ્યમ ધીમી આંચ પર 3 મિનીટ સુધી તળો અને જ્યારે તેલ પેનની કિનારીને છોડવા લાગે ત્યા સુધી તળો.
- હવે તેમાં તળેલા બટાટા ઉમેરો અને બરાબર મિક્સ કરો. પાણી અને મીઠું ઉમેરો.
-ઢાંકીને ધીમી આંચ પર 10 મિનીટ સુધી પાકવા દો જેથી બટાટા નરમ થઈ જાય.
- હવે કોથમિરથી ગાર્નિશ કરીને ગરમ ગરમ સર્વ કરો.